بسبوســــه

هاذي البسبوسة طعمها مثل الايس كريم او البرفي الحلاوة الهندية لان كلها قشط وحليب

المقادير كلها بعلبة القشطة يعني بعد ما تظهرين القشطة تغسلين العلبة ووتنشفينها زين وعقب اتجيلين بها


المقادير

2 علبة قشطة
الحين مثل ما قلت تغسلين علبة وتستخدمينها حق القياس
2 علبة حليب بودر
2 علبة سكر
2 علبة سميد
2 ملعقة صغيره بيكنك بودر
اصبع زبده (100جرام)

وتمزجين المقادير عادي مايباله خلاط ولا شيء

وتصبين المزيج في صينية مدهونة بطحينية سائلة وتتركينها على جنب اشوي قولي ساعه (هاذي الحركه ما البسبوسة اتخليها تجنن) وبعدين ادخلينها الفرن حتى تحمر


انا الصراحه ما اسقي البسبوسه احس واجد سكر فيها بعد اسقيها احس اني بموت من السكر ما اداني السكر واجد في الاكل احب يكون وسط

لكني اسقي البسبوسة شيره يوم اخفف السكر فيها يعني اذا بحطين علبة سكر اسقيها اشوي ما اغرقها بعد

وبالهنا والعافيه واتمني انكم تذوقونها وتقولولي رايكم